Խորհրդի ընդհանուր հայեցակարգն ու նպատակները
Ex-Oriente Հայաստանի արևելագետների միության կից գործող Միջազգային հարաբերությունների ուսանողական խորհուրդը (այսուհետ՝ խորհուրդ) նպատակ ունի միավորել Հայաստանի ուսանողների ներուժը հետազոտական և գիտական գործունեության շուրջ, ինչպես նաև ստեղծել արևելագիտության և միջազգային հարաբերությունների ոլորտների երիտասարդ մասնագետների ցանց, որի առանցքային գործառույթը երիտասարդ մասնագետների համագործակցության հիմնումն ու զարգացումն է:
Խորհրդի շարքերը լրացնում են երիտասարդ արևելագետներ, քաղաքագետներ, իրավաբաններ, տնտեսագետներ, ինչպես նաև հասարակագիտության և այլ ոլորտի մասնագետներ:
Խորհրդի մասնագիտական ուսումնասիրությունների հիմնական ուղղություններն են արևելագիտության և միջազգային հարաբերությունների վերաբերյալ հետազոտությունները: Այս ոլորտներում ունենալով հետաքրքրությունների ավելի լայն շրջանակ՝ խորհուրդը մեծապես կենտրոնացած է Հարավային Կովկասում աշխարհաքաղաքական, մասնավորապես՝ Հայաստանին և Արցախին առնչվող իրադարձությունների ուսումնասիրությունների վրա։
Խորհուրդը պարբերաբար կազմակերպում է որակավորված մասնագետնների կողմից անցկացվող դասընթացներ՝ միության երիտասարդ անդամներին, ինչպես նաև կազմակերպության ընթացիկ ծրագրերի մասնակիցներին վերապատրաստելու նպատակով:
Ի լրումն վերոնշյալ նպատակների՝ խորհրդի գործունեությունը նաև ուղղված է Հայաստանում համալսարանական կապերի զարգացմանը: