Արտակ Ապիտոնյան
2022թ-ից Արտակ Ապիտոնյանը դասավանդում է Երևանի պետական համալսարանի ասպիրանտուրայի բաժնում։
Արտակ Ապիտոնյանը կարիերային դիվանագետ է։ 2018-2021թթ. եղել է Հայաստանի արտաքին գործերի փոխնախարար՝ վերահսկելով բազմակողմ դիվանագիտության, սպառազինությունների վերահսկման և հասարակայնության հետ կապերի ոլորտները։
2013-2018թթ. Արտակ Ապիտոնյանը եղել է Հայաստանի առաջին ռեզիդենտ դեսպանը Շվեդիայում և Ֆինլանդիայում՝ հիմնելով տարածաշրջանային դեսպանություն Ստոկհոլմում։ Մոտ երեք տասնամյա դիվանագիտական գործունեության ընթացքում նա զբաղեցրել է այլ պատասխանատու պաշտոններ արտաքին գործերի նախարարությունում, Նախագահի աշխատակազմում, ինչպես նաև Ժնևի, Բեյրութի, Նյու Յորքի և Կահիրեի Հայաստանի դիվանագիտական ներկայացուցչություններում:
Արտակ Ապիտոնյանն ունի արտակարգ և լիազոր դեսպանի դիվանագիտական աստիճան։
2022-2024թթ. Ապիտոնյանը եղել է «Ապագա Հայկականը» զարգացման գործակալության գործադիր տնօրեն և կազմակերպել է համահայկական առաջին քաղաքացիական համաժողովը՝ Ապագա հայկականի համագումարը 2023թ. մարտի 10-12-ին։ Արտակ Ապիտոնյանը «Մասնակցային ժողովրդավարություն» ՀԿ-ի հիմնադիր գործադիր տնօրենն է։
Կրթություն
Երևանի պետական համալսարան 1987-1992 թթ
Արևելագիտության ֆակուլտետ
Արաբագիտություն, դիպլոմ գերազանցությամբ